അടുത്ത മാസം മുതല് വാഹനങ്ങളുടെ തേഡ് പാര്ട്ടി ഇന്ഷുറന്സ് പ്രീമിയം വര്ധിക്കും. രണ്ടുവര്ഷത്തെ ഇടവേളയ്ക്കുശേഷമാണ് പ്രീമയത്തില് വര്ധനവുണ്ടാകുന്നത്.ഗതാഗത മന്ത്രാലയവുമായി ചര്ച്ചചെയ്ത് ഇന്ഷുറന്സ് റെഗുലേറ്ററി ആന്ഡ് ഡെവലപ്മെന്റ് അതോറിറ്റി ഇതുസംബന്ധിച്ച് കരട് വിജ്ഞാപനം പുറത്തിറക്കിയത്. പുതിയ നിരക്കനുസരിച്ച് 1000 സിസിയുള്ള സ്വകാര്യ കാറുകള്ക്ക് തേഡ് പാര്ട്ടി പ്രീമിയം 2,094 രൂപയാക്കി ഉയർത്തും
1,500 സിസിവരെയുള്ള സ്വകാര്യ കാറുകള്ക്ക് 3,416 രൂപയും അതിനുമുകളിലുള്ളവയ്ക്ക് നിരക്ക് 7,897 രൂപയുമായിരിക്കും പ്രീമിയം.
150 സിസിക്ക് മുകളിലുള്ളതും 350 സിസിയില് കൂടാത്തതുമായ ഇരുചക്ര വാഹനങ്ങള്ക്ക് 1,366 രൂപയും 350 സിസിക്ക് മുകളിലുള്ളവയ്ക്ക് 2,804 രൂപയുമായാണ് പ്രീമിയം വര്ധിക്കുക. വാണിജ്യ വാഹനങ്ങള്ക്ക് 16,049 രൂപ മുതല് 44,242 രൂപവരെയുമാണ് ഈടാക്കാൻ തീരുമാനിച്ചിട്ടുള്ളത്.സ്വകാര്യ വൈദ്യുതി കാറുകള്, ഇരുചക്ര വാഹനങ്ങള്, വാണിജ്യ വാഹനങ്ങള് എന്നിവയ്ക്ക് പ്രീമിയത്തില് 15ശതമാനം കിഴിവിന് ശുപാര്ശ ചെയ്തിട്ടുണ്ട്. ഇതുപ്രകാരം കിലോവാട്ട് ശേഷിയനുസരിച്ച് സ്വകാര്യ കാറുകള്ക്ക് 1,780 രൂപ മുതല് 6,712 രൂപയായിരിക്കും പ്രീമിയം നിരക്ക്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
